لارڈز(آن لائن) قومی ٹیم کے اوپننگ بلے باز محمد حفیظ کی فٹنس کے بعداب فارم بھی ٹیم مینجمنٹ کے لیے پریشانی بن گئی ہے۔ لارڈزٹیسٹ سے قبل2پریکٹس میچزمیں محمدحفیظ کی بیٹنگ فلاپ ہوچکی ہے ،اوپنر نے 2میچزکی چاروں اننگز میں کل70رنزسکورکیے جس نے ٹیم مینجمنٹ کی نیندیں حرام کی ہوئی ہیں اور وہ ٹریننگ سیشن میں محمدحفیظ پرخصوصی توجہ دے رہی ہے۔ حیران کن طور پر حفیظ کی خراب فارم کے باوجود کپتان اور کوچ نے سسیکس کیخلاف دوسرے سائیڈ میچ میں سمیع اسلم کو موقع دینا ضروری نہیں سمجھا جس نے ٹیم مینجمنٹ کے فیصلوں پر سوالیہ نشان کھڑے کردیئے ہیں۔محمد حفیظ کی فٹنس کی وجہ سے پا کستانی ٹیم کے لیے شدید مشکلا ت کھڑی ہو گئی ۔