اسلام آباد(مانیٹرنگ ڈیسک) پاکستان کرکٹ ٹیم کیسابق فاسٹ باؤلر شعیب اختر نے بھارتی اسپنر ہربھجن سنگھ کی جانب سے انھیں اور یوراج کو کمرے میں گھس کر مارنے کے بیان کو مسترد کردیا ہے۔شعیب اختر نے ایک انٹرویو میں کہا کہ میں ہربھجن اور یوراج دونوں کا دوست ہوں اور اسلام آباد کے ہوٹل میں جو کچھ ہوا تھا وہ ایک مذاق تھا۔40 سالہ سابق فاسٹ باؤلر نے کہاکہ ہربھجن اور یوراج ان سے بہت چھوٹے ہیں اور پاکستان میں قیام کے دوران وہ سفری معلومات کیلئے ان کے پاس آتے تھے۔جارحانہ کھلاڑی ہونے کے باوجود جو کہانی ہربھجن نے سنائی وہ بڑھا چڑھا کر کہی ہے، یہ میری فطرت میں شامل نہیں کہ اپنے جونیئرز کو ماروں۔محمد عامر کے حوالے سے انگلینڈ ٹیم کے کپتان الیسٹر کک کے بیان پر شعیب اختر کا کہنا تھا کہ عامر کو بے حد خیال رکھتے ہوئے باؤلنگ میں اپنی جارحیت دکھانی چاہیے۔