جمیکا(مانیٹرنگ ڈیسک) پاکستانی سٹار آل راؤنڈر عماد وسیم نے جنوبی افریقی بلے باز ہاشم آملہ کے نقش قدم پر چلتے ہوئے شراب کی کمپنی کا سٹیکر اپنی شرٹ پر لگانے سے انکار کر کے قوم کا سر فخر سے بلند کر دیا۔ میڈیا رپورٹس کے مطابق پاکستانی آل راؤنڈر عماد وسیم جو ویسٹ انڈیز میں کریبین لیگ کھیل رہے ہیں نے اپنی شرٹ پر شراب سٹیکر لگانے سے صاف انکارکر دیا ہے۔ عماد وسیم کا کہنا تھا کہ چونکہ میں مسلمان ہوں اور شراب اسلام میں حرام ہے اس لیے میں یہ شراب کے سٹیکر والی شرٹ زیب تن نہیں کروں گا۔ انہوں نے شراب کے سٹیکر پر سادہ سٹیکر چسپاں کر دیا۔