کراچی(مانیٹرنگ ڈیسک)سابق چیف سلیکٹر صلاح الدین صلو نے کہا ہے کہ پاک بھارت کرکٹ سیریز وقت کی اہم ضرورت ہے، دونوں ممالک کے ساتھ ساتھ آئی سی سی کیلئے بھی نہایت اہمیت کی حامل ہے، پی ایس ایل میں سلمان بٹ اور محمد آصف کو بھی موقع ملنا چاہیے،نجی ٹی وی سے گفتگو کر تے ہوئے سابق چیف سلیکٹر صلاح الدین صلو کا کہنا ہے کہ پاکستان اور بھارت کی درمیان کرکٹ سیریز ایشیز سیریز سے زیادہ اہم ہوتی ہے۔ دونوں ممالک اور آئی سی سی سب کے لئے منافع بخش بھی ہے۔ ان کا مزید کہنا تھا کہ پاکستان سپر لیگ میں سلمان بٹ کے ساتھ محمد آصف کو بھی موقع ملنا چاہیے۔ دونوں کی سزائیں اب ختم ہو چکی ہیں۔ بولنگ میں محمد آصف کا کوئی ثانی نہیں۔ سابق چیف سلیکٹر نے محمد عامر کا حوالے سے کہا کہ وہ انگلینڈ کے دورے پر ہیں تنازعہ سے بچنے کے لئے انھیں اپنے آپ کو بدلنا ہو گا۔