لدھیانہ(مانیٹرنگ ڈیسک)بالی ووڈ میں اپنے کردار میں پوری طرح ڈھلنے کیلئے مشہور عامر خان نے کہا ہے کہ اپنا وزن کم کرنے اور باڈی بنانے کیلئے وہ روزانہ 10سے 12گھنٹے تک سوتے تھے۔دنگل کیلئے عامر کو پہلے اپنا وزن بڑھانا تھا اور پھر فلم کے دوسرے حصہ میں انہیں کافی پتلادبلا نظر آناتھا لیکن عامر نے یہ کام بخوبی انجام دیا۔عامر نے اپناوزن کم کرنے کا راز بتاتے ہوئیکہا کہ وہ اچھی خوراک اور تقریبا چھ گھنٹے تک ورزش کرنے کیساتھ ساتھ تقریبا 10سے 12گھنٹے سوتے تھے۔انہوں نے کہا کسی بھی خوراک اور ورزش کا اثر بدن پر تب تک ٹھیک سے نہیں ہوتا جب تک نیند پوری نہ کی جائیکیونکہ جب تک جسم کو آرام نہیں دیں گے تب تک بدن میں ضروری تبدیلی نہیں آئے گی اور جسم پر اس کا اثر نہیں ہوگا۔عامر نے کہا اچھی باڈی بنانے کیلئے زیادہ ورزش کرنے سے زیادہ ضروری اچھی خوراک اور جسم کو آرام دینا ہے۔اگر ورزش کی ضرورت 25فیصد ہے تو اچھی خوراک کی 50فیصد اور آرام کی ضرورت 25فیصد ہے۔عامر نے کہا کہ ان کے جسم میں 38فیصد چربی تھی اور وزن کم کرنے کے لئے انہیں اسے 9 فیصد تک لانا تھا۔انہوں نے کہاوزن کم کرنے کیلئے پرانے طریقے کو اپنایا جس میں میں کیلوری شمار کرکے اسی کے مطابق خوراک لیتا تھا اوراپنی خوراک میں سب کچھ لیتا تھا چاہے وہ کاربوہائڈریٹ ہو یا پھر فیٹ۔