ممبئی(نیوز ڈیسک) بالی وڈ کی جنگلی بلی پریانکا چوپڑا نے انکشاف کیا ہے ،آسکر ایوارڈز کی تقریب میں شرکت کے موقع پروہ خود پر بہت دباؤ محسوس کر رہی تھیں اور خاصی نروس بھی تھیں۔بھارتی ٹی وی کو اپنے ایک انٹرویو میں انہوں نے کہا کہ سفید لباس پہننا ان کی اپنی چوائس تھی وہ پریشان تھیں کہ نہ جانے انہیں اس لباس میں سراہا جائے کہ نہیں۔انہوں نے کہا کہ نہیں اس وقت بہت خوشی ہوئی جب سب نے ان کے لباس کی تعریف کی۔ پریانکا چوپڑہ نے مزید کہا کہ ایوارڈ دیتے وقت بھی تھوڑی سی نروس تھیں لیکن جلد ہی انہوں نے اس پر قابو پالیا۔ان کا کہنا تھا کہ آسکر تقریب میں شرکت ان کی زندگی کے تاریخی لمحات تھے جو وہ کبھی بھلا نہیں سکیں گی۔انہوں نے اس موقع پر بھرپور انجوائے کیا۔