ممبئی(نیوز ڈیسک)بالی وڈکی بولڈ اداکارہ بپاشا باسو کاکہنا ہے کہ چھپ کر منگنی یا شادی کرنے پر یقین نہیں رکھتیں کیونکہ شادی کوئی جرم نہی ہے،ایسی افواہیں نہ پھیلائی جائیں جن سے کسی کی ذاتی اندگی پر منفی اثرات مرتب ہوں۔تفصیلات کے مطابق گزشتہ ایک ماہ سے بپا شا باسو اور کرن سنگھ کی منگنی کے خبریں بھارتی میڈیا کی زینت بنی ہوئی تھیں لیکن لیکن تازہ ترین اطلاعات کے مطابق بپاشا باسو نے ان خبروں کی سختی سے تردید کرتے ہوئے کہا کہ ایسی افواہیں نہ پھیلائی جائیں جن سے ان کی ذاتی زندگی پر منفی اثرات مرتب ہوں۔ایک انٹرویو میں ان کا کہنا تھا کہ کرن سنگھ سے ان کی دوستی ضرور ہے مگر وہ ان سے منگنی نہیں کر رہیں،انہوں نے مزید کہا کہ وہ جب شادی کریں گی تو سب کو اس بارے میں پہلے سے آگاہ کریں گی۔ ان کا کہنا تھا کہ وہ چھپ کر منگنی یا شادی کرنے پر یقین نہیں رکھتیں کیونکہ شادی کوئی جرم نہی ہے جسے دوسروں سے چھپایا جائے۔