لاہور( نیوز ڈیسک ) اداکارہ ماہ نور کی قسمت چمک اٹھی ، پڑوسی ملک سے ایک گانے کی ویڈیو کی پیشکش کر دی گئی۔ ذرائع کے مطابق اسٹیج کی نامور اداکارہ ماہ نور کو بھارت میں ایک ویڈیو گانے میں بطور ماڈل کام کرنے کی آفر ہوئی ہے جس کے لئے اداکارہ ماہ نور نے بھارتی ڈائریکٹر سے بیس لاکھ روپے معاوضہ طلب کیا ہے ۔ امکان ہے کہ ماہ نور معاہدے فائنل ہونے کے بعد ویڈیو میں حصہ لینے کے لئے اپریل کے آخر میں بھارت جائیں گی ۔ یاد رہے کہ اس سے قبل بھی اداکارہ ماہ نور کو بھارت سے ایک پنجابی فلم کی آفر بھی ہوئی تھی مگر اداکارہ نے اپنی مسلسل فنی مصروفیات کی وجہ سے فلم میں کام کرنے سے معذرت کا اظہار کیا تھا۔

موضوعات:ماہ نور