لاہور(نیوز ڈیسک )فلم ، ٹی وی اور تھیٹر کے مزاحیہ اداکار اکرم اداس کو نجی ٹی وی چینل نے اپنے نئے شروع ہونے والے شو میں ڈائریکٹر انٹر ٹینمنٹ کی ذمہ داریاں سونپ دیں ۔ تفصیلات کے مطابق عنقریب ایک نجی ٹی وی چینل اپنا ایک مزاحیہ شو کا آغاز کر رہا ہے جس میں اسٹیج سے تعلق رکھنے والے اداکار شریک ہوں گے ۔ اس حوالے سے نجی ٹی وی چینل کی انتظامیہ نے اداکار اکرم اداس کو ڈائریکٹر انٹرٹینمنٹ کے طور پر ذمہ داریاں دی ہیں ۔ نئے شروع ہونے والے شو میں دیگر اداکاروں کے ساتھ اکرم اداس بھی شامل ہوں گے۔