لاہور(نیوزڈیسک)معروف گلوکار راحت فتح علی خان فلم”بالو ماہی”میں ایک قوالی کے ذریعے اپنی آوارز کا جادو جگائیں گے،پاکستانی ڈرامہ سیریل ”داستان”سے شہرت حاصل کرنے والے ہدایتکار ھشیم حسین کی فلم”بالو باہی”میں عینی جعفری اور عثمان خالد بٹ مرکزی کردار اداکرتے نظر آ ئیں گے۔راحت فتح علی خان کا کہنا تھا کہ قوالی گانا ایک مشکل کام ہے تاہم میں نے خود کو وہا ں بہتر کیا جہاں مجھے محسوس ہوا،راحت نے فلم میں گائی ہوئی اپنی قوالی کی بے حد تعریف کرتے ہوئے کہنا تھا کہ بہت عرصے بعد ایسا ہوا ہے کہ کسی فلم ساز کو قوالی کے جوہر کا احساس ہوا ہو،میں اس فلم کی پوری ٹیم سے بہت متاثر ہوا ہوں اور ہمیشہ کی طرح ساحر علی بگا نے کچھ خاص ہی بنایا ہے ،زیادہ تر مشرقی لباس میں نظر آنے والے راحت فتح علی کا کہنا تھا کہ وہ اپنے ملبوسات کی تمام تر ذمہ داری اپنے منیجر سلمان احمد پر چھو ڑتے ہیں ،وہ ان کے ساتھ ساتھ ان کی ٹیم کے ملبوسات کا بھی خیال رکھتے ہیں۔فلم”بالو باہی”ایک رومانوی مزاحیہ فلم ہو گی تاہم ابھی تک اس کی ریلیز کی تاریخ کا اعلان نہیں کیا گیا۔

موضوعات:راحت فتح علی