میرپورخاص(این این آئی)8سالہ بچی کو زیادتی کے بعد ڈرپ سیٹ کی نلکی سے گلاگھونٹ کر قتل کردیا گیا ، آمنہ کے جسم پر تشدد اور زخموں کے واضح آثار موجود تھے۔تفصیلات کے مطابق میرپورخاص کے علاقے جھلوری سے گزشتہ روز ایک دل دہلا دینے والا واقعہ سامنے آیا، جہاں 8 سالہ بچی آمنہ کی بوری بند لاش ملی۔پوسٹ مارٹم رپورٹ میں بتایا گیا کہ بچی کو زیادتی کے بعد ڈرپ سیٹ کی نلکی سے گلا گھونٹ کر قتل کیا گیاہے۔

رپورٹ میں یہ بھی بتایا گیاہے کہ آمنہ کے جسم پر تشدد اور زخموں کے واضح آثار موجود تھے، جبکہ گردن کے پٹھوں پرنیل اور زخم کے نشانات بھی دیکھے گئے۔پوسٹ مارٹم میں مزید بتایا گیا کہ بچی کا معدہ خالی تھا، یعنی اس نے مرنے سے قبل کچھ نہیں کھایا تھا، جس سے واقعے کی شدت اور دل دہلا دینے والے پہلو نمایاں ہوتے ہیں۔پولیس حکام نے جائے وقوعہ کا معائنہ کر کے مقدمہ درج کر لیا ہے اور ملزم یا ملزمان کی گرفتاری کے لیے تفتیش شروع کر دی گئی ہے۔واضح رہے کہ یہ واقعہ ایک بار پھر معاشرے میں بچوں کی حفاظت کے حوالے سے سنجیدہ خطرات کو اجاگر کرتا ہے اورقانون نافذ کرنے والے اداروں کی جانب سے عوام سے اپیل کی گئی ہے کہ وہ ایسے واقعات کی فوری اطلاع متعلقہ حکام کو دیں۔