ممبئی(نیوز ڈیسک)بولی ووڈ اداکارہ ایمی جیکسن اپنی نئی آنیوالی فلم ”روبوٹ2“ میں سینئر اداکار رجنی کانت کے ہمراہ مرکزی کردار اداکرتی نظر آئیں گی۔ ایمی جیکسن نے حال ہی میں ویڈیو لنک کے زریعے صحافیوں سے بات چیت کرتے ہوئے بتایا کہ وہ رجنی کانت کے ساتھ اداکاری سے قبل بے حد خوفزہ تھیں۔ اداکارہ نے بتایا کہ انکا خیال رجنی کانت جیسے بڑے اداکار شاید تلخ مزاج ہوں، تاہم ان کے ساتھ اداکاری کے تجربے کے بعد انھیں احساس کہ سینئر اداکار انتہا ئی شریف اور خوش مزاج انسان ہیں۔ ایمی کا کہنا کہ وہ اکشے کمار کے ساتھ ”سنگھ از بلنگ “ میں اداکاری کر چکی ہیں اور انھیں ان کے ساتھ اداکاری کر کے بے حد اچھا لگتا ہے۔ واضح رہے روبوٹ 2میں اکشے کمار منفی کردارمیں نظر آئیں گے۔یاد روہے ”روبوٹ 2“2010ءمیں نمائش کیلئے پیش کی جانے والی روبوٹ کا سیکوئیل ہے۔ روبوٹ میں رجنی کانت کے ہمراہ اداکارہ ایشوریا رائے نے مرکزی کردار ادا کیا تھا۔