نیو یارک۔۔۔۔ امریکی موسمیاتی اداروں نے اپنی رپورٹ میں 2014 کو رواں صدی کا گرم ترین سال قرار دیا ہے۔موسمیاتی اداروں نے اپنی نئی رپورٹ میں تاریخ کے دس گرم ترین سالوں میں بھی 2014 کو شامل کیا ہے۔ناسا اور نووا کے سائنسدانوں نے انکشاف کیا ہے کہ گزشتہ سال زمین کا درجہ حرارت 1980 کے بعد سے گرم ترین رہا۔رپورٹ کے مطابق 2014 کے درجہ حرارت سے یہ بات ثابت ہوتی ہے کہ گرین ہاؤس گیسز کو بری طرح نقصان پہنچایا جا رہا ہے، جس کی وجہ سے زمین پر ماحولیاتی تبدیلیاں آرہی ہیں اور درجہ حرارت بڑھ رہا ہے۔سائنسدانوں نے کہا ہے کہ 1880 کے بعد جب سے ریکارڈ جمع کرنا شروع کیا گیا ہے، زمین کے اوسط درجہ حرارت میں صفر اعشاریہ چھ ا?ٹھ (0.68) ڈگری سینٹی گریڈ کا اضافہ ہوا ہے۔درجہ حرارت کے حوالے سے ناسا اور یو ایس نیشنل اوشینک اینڈ اٹموسفیرک ایڈمنسٹریشن (نواء ) یہ اعداد و شمار ترتیب دیتے ہیں جبکہ ان کے ساتھ ساتھ برطانیہ کا محکمہ موسمیات بھی یہ کام سر انجام دے رہاہے۔ان تینوں اداروں کے اعداد و شمار کی بنیاد پر ورلڈ میٹرولوجیکل ا?رگنائزئشن (ڈبلیو ایم او) نے دسمبر میں رپورٹ تیار کی تھی۔