ممبئی(نیوز ڈیسک )بالی ووڈ اسٹار کرینہ کپور خان کا کہنا ہے کہ انہیں بچپن سے ہی اداکاری کا بے حد شوق تھا مگر ان کی فیملی نے شروع میں انہیں سپورٹ نہیں کیا۔اپنے ایک انٹرویو میں کرینہ کپور نے کہا کہ کپور خاندان سے تعلق ہونے کے باعث میں ہمیشہ سے اداکارہ بننا چاہتی تھی، میں فلموں میں اکشے کمار اور سلمان خان کو دیکھ کر کہتی تھی کہ ایک دن میں ان کے ساتھ ضرور کام کروں گی جس پر میری بہن کرشمہ کا کہنا تھا کہ یہاں سے باہر نکل جاو¿ اور پڑھائی کرو۔کرینہ کا مزید کہنا تھا کہ والدین بھی ان کے اداکاری کی طرف بڑھتے رجحان کو دیکھ کر کافی پریشان تھے جس کے باعث انہیں بورڈنگ اسکول میں داخلہ دلا دیا گیا تھا۔بولی وڈ اداکاراو¿ں کا ذکر کرتے ہوئے کرینہ کا کہنا تھا کہ وہ متعدد اداکاراﺅں سے متاثر ہیں جن میں سے ایک کنگنا رناوٹ ہیں۔اپنی شادی شدہ زندگی کا حوالہ دیتے ہوئے کرینہ نے بتایا کہ انہیں شادی کے رشتے پر بہت بھروسہ ہے اور سیف ان کے لیے بہترین شریک حیات ثابت ہوئے ہیں اور وہ یہ امید کرتی ہیں کہ سیف ہمیشہ ایسے ہی رہیں۔کرینہ اس وقت بولی وڈ فلم ’کی اینڈ کا‘ کی شوٹنگ میں مصروف ہیں جن میں ان کے ہمراہ اداکار ارجن کپور اہم کردار ادا کر رہے ہیں۔