وفاقی وزیردفاع خواجہ اصف کا کہنا ہے کہ بھارت امن کی زبان نہیں سمجھتا اس لئے اسے اسی کی زبان میں ہی سمجھانا پڑے گا۔ پارلیمنٹ ہاؤس کے باہر میڈیا سے بات کرتے ہوئے خواجہ آصف کا کہنا تھا کہ بھارتی وزیراعظم نریندر مودی کے ہاتھ پہلے بھی مسلمانوں کے خون سے رنگے تھے اور انھوں نے ایک مرتبہ پھر اپنے انتہا پسندانہ رویوں کا واضع اظہار کر دیا ہے۔ پاکستان خطے مین امن کے لئے پر اعزم ہے لیکن ہماری امن پسندی کو کمزوری نہ سمجھا جائے‘ پاکستان کسی بھی جارحیت کا منہ توڑ جواب دینے کی صلاحیت رکھتا ہے۔ وزیردفاع کا کہنا تھا کہ بھارت امن کی زبان نہیں سمجھتا‘ اس لئے اب بھارت کو بھارتی زبان میں ہی سمجھانا پڑے گا‘ کنٹرول لائن اور ورکنگ باؤنڈری پر بھارتی فائرنگ کے واقعہ کو ہر فورم پر اٹھایا گیا ہے اور اب حکومت اس معاملے کو اقوام متحدہ کے فورم پر اٹھانے پر غور کر رہی ہے۔