ممبئی (نیوز ڈیسک ) بالی ووڈ اداکارہ کرینہ کپور 32 کلو وزنی شرارہ پہن کر رقص کریں گی۔ میڈیا رپورٹس کے مطابق بالی ووڈ اداکارہ اپنی آنیوالی فلم کی اینڈ کا کے ایک گانے میں 32 کلو بھاری شرارہ پہن کر رقص کریں گی جسے ان کے قریبی دوست اور مشہور بھارتی ڈیزائنر منیش ملہوترا نے ڈیزائن کیا ہے۔رپورٹ کے مطابق کرینہ نے پوری فلم میں مغربی ملبوسات پہنے ہیں اور اپنے مداحوں کےلئے انہوں نے ایک گانا اس مشرقی لباس میں فلمایا ہے۔زردوزی کا بھاری کام اور نیٹ کے کپڑے سے بنے اس شرارے میں کرینہ نے دو دن میں گانے کی شوٹنگ مکمل کی ہے۔اس گانے کی کوریوگرافی کے فرائض بوسکو نے انجام دیئے ہیں جبکہ شوٹنگ ممبئی میں مکمل کی گئی ہے۔فلم ’کی اینڈ کا‘ میں کرینہ کپور کےساتھ اداکار ارجن کپور اہم کردار ادا کرتے نظر آئینگے۔