کراچی(نیوزڈ یسک ) معروف پاکستانی اداکارہ مروہ کے سرنیم کے درست تلفظ کے راز سے پردہ اٹھ گیا۔ مروہ نے ایکسپریس ٹریبیون سے گفتگو کرتے ہوئے کہا کہ جب وہ چھوٹی تھیں تو سکول میں ان کی بہت سی دوستوں کے سر نیم حسین تھے مگر وہ اپنا نام سب سے انوکھا دیکھنا چاہتی تھیں۔ اس لیے انہوں نے اپنے نام کے سپیلنگ میں ”ایس “کی جگہ” سی“ لکھ دیا۔ انہوں نے کہا کہ وہ سمجھتی تھیں کہ لوگ اس لگائے گئے ”سی“ کو ”ایس“ کی آواز میں ادا کریں گے جیسے”سلینا“ نام کو ادا کیا جاتا ہے مگر ایسا نہیں ہوا۔ لوگوں نے ان کے بدلے گئے ”سی“کو ”کے“ کی آواز میں ادا کرنا شروع کر دیا۔ مروہ کا کہنا تھا کہ ان کے نام بدلنے پر ان کے والدین نے کسی برے تاثر کا اظہار نہیں کیا بلکہ انہوں نے مروہ کے نام بدلنے کو ان کابچپنا سمجھ کر فراموش کر دیا۔ مروہ نے بتایا کے سکول کی استانی نے ایک دفعہ اس سے پوچھا کہ کیا یہ ”ہوکین“ درست سپلینگ ہیں تو انہوں کہا کہ نہیں، بجائے درست سپیلنگ پوچھنے کے مروہ کی سکول کی استانی نے ”ہوکین“ کو نام سے ہی خارج کر دیا اور سکول میں ان کا نام صرف ”مروہ “بولا گیا۔ مروہ کا کہنا ہے کہ اس کے پاسپورٹ اور تعلیم کی تمام اسناد پر اس کا نام مروہ حسین ہی ہے۔ بھارتی فلم ”فینٹم“ کی حمایت کرنے پر پاکستانی اداکارہ مروہ حسین کو بہت سے پاکستانی فنکاروں اور عوام نے تنقید کا نشانہ بنایا۔ اس حمایت کی وجہ سے ان کے نام کے بارے میں بہت سے انکشافات ہوئے۔ آج کل مروہ حسین ممبئی میں بھارتی فلم ”صنم تیری قسم“کی شوٹنگ میں مصروف ہیں۔