نئی دہلی(اے این این) بھارت میں گائے کے گوشت تنازعے پر وزیر اعظم مودی نے منہ کھولا بھی تو ٹیڑھا،مسلمانوں پر تشدد اور شہادت کے واقعات کی مذمت کرنے سے گریز،مسلمانوں اور ہندو برادری کو مل کر غربت کے خلاف لڑنے کی تلقین۔بھارتی ریاست بہار میں انتخابی جلسے سے خطاب کرتے ہوئے نریندر مودی نے اترپردیش کے علاقے داردی میں گائے کا گوشت کھانے کی پاداش میں ایک مسلمان اخلاق احمدکی ہلاکت کے واقعے کے دو ہفتے بعد اس بارے میں اپنی خاموشی توڑتے ہوئے کہا کہ ہندوں اور مسلمانوں کو فیصلہ کرنا ہو گا کہ انھوں نے آپس میں لڑنا ہے یا غربت سے۔دادری کے واقعے اور گائے کا گوشت کھانے کی افواہوں پر مسلمانوں پر تشدد کی کی براہِ راست مذمت کیے بغیر نریندر مودی نے کہا کہ مسلمانوں اور ہندوں کو غربت کے خلاف لڑنا چاہیے۔نریندر مودی نے عوام سے کہا کہ وہ سیاست دانوں کی طرف سے دیے جانے والے غیر مہذبانہ بیانات پر دھیان نہ دیں۔