بیونس آئرس(نیوز ڈیسک)ارجنٹینا میں احتجاج کے دوران مشتعل مظاہرین نے 2پولیس اہلکاروں پر پیٹرول چھڑک کر آگ لگا دی۔ارجنٹینا کے شمال مغربی صوبے سالٹا میں ایک احتجاج کے دوران لوگوں نے ایک کمپنی کی تنصیبات پر قبضہ کرنے کی کوشش کی تو پولیس نے انہیں روکا جس پر مظاہرین مشتعل ہو گئے۔ اس دوران پولیس کی جانب سے ڈنڈے مارنے پر مشتعل مظاہرین نے 2 پولیس اہلکاروں پر پیٹرول چھڑک کر آگ لگا دی۔ جس سے دونوں اہلکار جھلس کر زخمی ہو گئےجنہیں اسپتال منتقل کردیا گیا۔ جس کے بعد پولیس نے مظاہرین کو منتشر کردیا۔