کوئٹہ: کوئٹہ کے علاقے لیاقت بازار کے قریب زوردار دھماکے کے نتیجے میں 26 افراد زخمی ہوگئے جن میں سے تین کی حالت نازک ہے۔
دھماکے کے نتیجے میں زخمی ہونے والے افراد کو سول ہسپتال منتقل کیا گیا جہاں ایمرجنسی نافذ کردی گئی ہے۔
بم ڈسپوزل اسکواڈ کے مطابق دھماکے میں چار سے پانچ کلو دھماکا خیز مواد استعمال کیا گیا۔
ابتدائی اطلاعات کے مطابق بم سائیکل پر ٹائم ڈیواز کے ذریعے نصب کیا گیا تھا۔ دھماکے کے باعث متعدد گاڑیاں بھی تباہ ہوگئیں۔
دھماکے کے بعد علاقے میں خوف و ہراس پھیل گیا جبکہ متعدد دکانوں میں آگ لگ گئی جسے بھجانے کے لیے فائر بریگیڈ کو طلب کرلیا گیا ہے۔
امدادی کارکن اور سیکورٹی اہلکار جائے وقوع پر پہنچ چکے ہیں۔
