اسلام آباد/تہران(این این آئی)امیرجماعت اسلامی سراج الحق 4روزہ دورہ پر ایران پہنچ گئے۔جماعت اسلامی کے ترجمان قیصر شریف نے بتایا کہ سراج الحق ایران کے سیاسی و مذہبی رہنمائوں سے ملاقاتیں کریں گے۔انہوںنے بتایاکہ امیر جماعت اسلامی اپنے دورے کے دوران ایران کے رہنمائوں سے مسئلہ فلسطین پر تبادلہ خیال کریں گے اور امت کے اتحاد سے متعلق پروگرامز میں شرکت اور خطاب کریں گے۔نائب امیر کے پی صابر اعوان، ڈائریکٹر امور خارجہ آصف لقمان بھی 4 روزہ دورے پر سراج الحق کے ہمراہ ہیں۔قیصر شریف نے بتایا کہ سراج الحق کی غیر موجودگی میں لیاقت بلوچ قائم مقام امیر جماعت ہیں۔