اسلام آباد (این این آئی)مسلم لیگ ضیاء کے سربراہ اعجازالحق نے 2014ء میں نوازشریف حکومت کیخلاف ڈی چوک دھرنے بارے انکشاف کرتے ہوئے کہا ہے کہ دھرنے کے دوران دو ریٹائرڈ شخصیات نے کہا دھرنے میں دو لوگ مریں گے تو ہم کامیاب ہو جائیں گے۔

نجی ٹی وی سے گفتگو کرتے ہوئے اعجاز الحق نے کہا کہ 2014ء میں نواز شریف حکومت کیخلاف ڈی چوک دھرنے بارے دو ریٹائرڈ شخصیات نے کہا مارچ کرتے ہوئے آگے جائیں گے ، آنسو گیس کی شیلنگ اور گولیاں چلیں گی ایک دو لوگ مریں گے تو ہم کامیاب ہو جائینگے ۔ انہوں نے کہا کہ ان ریٹائرڈ شخصیات نے کہا معاملات طے پا گئے ہیں اگلے دن حکومت چلی جائیگی۔