ڈی آئی خان (این این آئی)سابق وفاقی وزیر علی امین گنڈا پور کے پرسنل سیکرٹری لطیف نیازی نے بھی پی ٹی آئی سے لاتعلقی کا اعلان کر دیا۔سابق وفاقی وزیر کے پرسنل سیکرٹری لطیف نیازی نے پریس کانفرنس کرتے ہوئے کہا کہ 9مئی کے واقعہ کی پرزور مذمت کرتا ہوں، میرا پورا خاندان پاکستان اور ریاستی اداروں کے ساتھ کھڑا ہے، میں پاکستانی شہری ہوں، میں ریاستی اداروں کے ساتھ ہوں۔
انہوں نے کہا کہ میں افغانی نہیں پاکستانی شہری ہوں، میں دوستوں اور خاندان کے مشورے کے بعد دوسری پارٹی میں شمولیت اختیار کروں گا، علی امین کی کوئی جائیداد میرے نام نہیں ہے، 9مئی کے بعد میرا علی امین سے کوئی رابطہ نہیں ہوا ہے۔
