لاہور ( این این آئی) پاکستان کی جامعات میں زیرتعلیم اور مقیم افغانیوں کی ویریفیکیشن کا معاملہ، پنجاب یونیورسٹی پاکستانی شہریت رکھنے والے افغان طلبا کی ویریفیکیشن کرے گی۔ وائس چانسلر جامعہ پنجاب ڈاکٹر خالد محمود کا کہنا ہے کہ پنجاب یونیورسٹی میں کثیر تعداد میں افغان طلبا زیرتعلیم ہیں، افغانستانی شہریت والے طلبا سفارتخانے کے زریعے داخلہ لیتے ہیں، پاکستانی شہریت رکھنے والے افغانیوں کی ویریفیکیشن کی جاتی ہے۔ ڈاکٹر خالد محمود کا مزید کہنا ہے کہ کچھ طلبا غلط شناختی کارڈ نمبر کا استعمال بھی کرتے ہیں، ایسے طلبا کو داخلہ نہیں دیا جاتا، بوقت ضرورت پاکستانی شناخت رکھنے والے افغان طلبا کی نادرا سے ویریفیکیشن کرائیں گے۔