لاہور( این این آئی)بلوچستان عوامی پارٹی کے بیشتر سابق ارکان پارلیمنٹ نے مسلم لیگ (ن)میں شامل ہونے کا فیصلہ کر لیا۔(ن) لیگ کے مرکزی رہنما سردار ایاز صادق سے باپ پارٹی کے سابق وزرا ء اور رہنمائوں نے ملاقات کی۔ بتایا گیا ہے کہ مسلم لیگ (ن)کے قائد میاں نوازشریف کی کوئٹہ آمد پر شمولیت کا باضابطہ اعلان کیا جائے گا۔
ملاقات کرنے والوں میں سابق وزرا ء سردار عبدالرحمان کھیتران، محمد خان لہڑی، مسعود لونی، نورمحمد دومڑ شامل تھے۔سابق وزرا ء طور اتماخیل، ڈاکٹر ربابہ، غفور لہڑی، کریم نوشیروانی، دوستین ڈومکی، مجیب محمد حسنی بھی ملاقات میں شامل تھے۔سابق صوبائی وزیر عاصم کرد گیکو نے ایاز صادق سے ٹیلیفون پر رابطہ کرکے شمولیت پر آمادگی کا اظہار کیا۔بلوچستان عوامی پارٹی کے دیگر رہنمائوں کی بھی ایاز صادق سے ملاقاتیں ہوئیں، صوبائی صدر (ن)لیگ جعفر مندوخیل نوابزادہ جنگیز مری اور لیگی رہنما راحیلہ درانی بھی ملاقات میں موجود تھیں۔
