کراچی(این این آئی) غربت سے تنگ آکر خاتون نے دو بیٹیوں سمیت زہر پی لیا ، جس کے نتیجے میں اسپتال منتقلی کے دوران ایک بچی دم توڑ گئی۔تفصیلات کے مطابق کراچی کے علاقے گگھرپھاٹک کے قریب خاتون نے دو بیٹیوں سمیت زہر پی لیا، زہرکھانے کے نتیجے میں خاتون اوربچیوں کی حالت غیر ہو گئی۔
محلے کے لوگوں نے پہلے گلشن حدید کے ایک اسپتال پہنچایا، جہاں حالت تشویشناک ہونے کے باعث جناح اسپتال منتقل کیا جا رہا تھا کہ ایک بچی ثنا راستے میں ہی دم توڑ گئی۔علاقہ مکینوں نے بتایاکہ خاتون نے غربت سے تنگ آکر انتہائی قدم اٹھایا جبکہ پولیسنے بتایا کہ خاتون نورجہاں سومرو شوہرکے انتقال کے بعد بچوں سمیت اکیلی رہتی تھی۔
