شکارپور (این این آئی)مشہور اچار کے گودام پر سندھ فوڈ اتھارٹی کا چھاپہ اچار کے نام پر لوگوں کو زہر کھلانے لگے۔ ضلع انتظامیہ اور سندھ فوڈ اتھارٹی نے اچار کے گودام پر چھاپہ مارا، اچار کے گودام میں ہر طرف گندگی کے ڈھیر دیکھ کر سندھ فوڈ اتھارٹی کی ٹیم کا بھی سر چکرانے لگ گیا،

سندھ فوڈ کنٹرول اتھارٹی نے دلپسند اچار کے گودام کو سیل کردیا اور دو لاکھ روپے جرمانہ عائد کیا، سندھ فوڈ کنٹرول اتھارٹی کے مطابق کاروائی حساس اداروں کی نشان دہی پر ضلع انتظامیہ کے ساتھ کی گئی، کاروائی کے دوران اچار کے سمپل میں کیڑے گھومتے ہوئے نظر آئے، اچار کے گودام کے مالک کے پاس لائسنس بھی نہیں جس کا جرمانہ بھی کیا گیا، مضر صحت اچار کو تلف کرنے کے لیے کاروائی کا آغاز کردیا ہے۔