لاہور ( این این آئی) تحریک انصاف کے چیئرمین عمران خان کی رہائشگاہ پر نیا بلٹ پروف گیٹ نصب کرنے کا عمل شروع کر دیا گیا ۔پولیس کی جانب سے چیئرمین تحریک انصاف عمران خان کے گھر کے سرچ آپریشن کے دوران دروازہ توڑ دیا گیا تھا، تاہم اس کے بدلے نیا گیٹ زمان پارک پہنچادیا گیا ۔ذرائع کے مطابق سابق وزیراعظم عمران خان کے گھر کا نیا گیٹ بلٹ پروف ہے اور اس گیٹ کی چوڑائی 16فٹ، لمبائی 10فٹ جب کہ موٹائی 1.5انچ ہے۔عمران خان کے گھر کے نئے گیٹ کو بنانے کے لیے بلٹ پروف شیٹ، اسٹیل اور لوہے کا استعمال کیا گیا ہے اور اس گیٹ کی مالیت تقریباً 12 سے 15 لاکھ روپے بتائی جا رہی ہے ۔