پشاور (این این آئی)صوبائی دارالحکومت پشاور میں پولیس اہلکاروں نے اپنی حالت زار کی ویڈیو سوشل میڈیا پر شیئر کردی۔ میڈیا رپورٹ کے مطابق پشاور میں پولیس اہلکاروں نے اپنی حالت زار کی ویڈیوسوشل میڈیا پر شیئر کردی۔ویڈیو میں اہلکاروں کی جانب سے کہا جارہا ہے کہ تھانا رحمان بابا میں کئی اہلکار بے یار و مددگار پڑے ہیں،تھانے میں سیڑھیوں کے نیچے لٹایا گیا۔ویڈیو پر ردعمل دیتے ہوئے ایس پی صدر نے بتایا کہ کوہاٹ سے انسداد پولیو ڈیوٹی کیلئے آنے والے 79 اہلکار تھانے میں مقیم ہیں۔انہوں نے کہا کہ اہلکاروں نے شکایت کے بجائے ویڈیو وائرل کردی، ویڈیو وائرل کرنے والے اہلکاروں کے خلاف محکمانہ کارروائی کا ارادہ نہیں۔