کراچی(این این آئی)پی ٹی آئی سندھ کے صدروسابق وفاقی وزیرعلی زیدی کے بھائی عمارزیدی نے کہا ہے کہ علی زیدی اس شخص سے کبھی نہیں ملے جس نے 18 کروڑ قرض دینے کا دعویٰ کیاہے۔پی ٹی آئی کے رہنما علی زیدی کے بھائی نے سماجی رابطے کی ویب سائٹ ٹوئٹر پر جاری پیغام میں کہا کہ علی زیدی کے پاس پاکستان میں کبھی بھی 16.75 کروڑکی کوئی جائیدادنہیں رہی۔ انہوں نے ٹوئٹ میں لکھا کہ جو مدعی 18 کروڑ روپے کا قرضہ لینے کا دعوی کرتا ہے وہ ٹیکس فائلرنہیں ہے۔بھائی علی زیدی نے کہاکہ اس شخص کے پاس لین دین کا کوئی دستاویزی ثبوت نہیں ہے، اس جعلی ٹرانزیکشن کی تاریخ پرعلی زیدی پاکستان میں موجودنہیں تھے۔