ریاض (مانیٹرنگ ڈیسک )سعودی عرب نے کرین حادثے میں جاں بحق ہونے والے افراد کے خاندانوں کو دس لاکھ ریال دینے کا بھی اعلان کیا ہے۔ سعودی شاہی دیوان نے حرم شریف حادثہ کے بعد تعمیراتی کمپنی بن لادن گروپ کو معطل کرتے ہوئے تمام منصوبوں پر کام سے روک دیا ہے۔ سعودی میڈیا کے مطابق ابتدائی تحقیقات سے ثابت ہوا ہے کہ حادثہ کرین کی غلط پوزیشن میں ہونے کی وجہ سے پیش آیا اور یہ مجرمانہ سازش کا نتیجہ نہیں تھا، واضح رہے کہ حرم شریف میں کرین گرنے کے حادثے میں 111عازمین حج شہید ہوئے تھے۔منگل کو سعدی شاہی دیوان نے حرم شریف کا توسیعی کام کرنے والی کمپنی بن لادن گروپ کو معطل کردیا جبکہ اس تعمیراتی کمپنی کو حتمی تحقیقات تک کسی بھی منصوبے پر کام سے روک دیا ہے۔ بن لادن گروپ کا شمار سعودی عرب کی بڑی تعمیراتی کمپنیوں میں ہوتا ہے جو متعدد بڑے منصوبوں پر کام کر چکی ہے۔سعودی شاہی دیوان نے حرم شریف کرین حادثے پر بن لادن کمپنی کو بھی بلیک لسٹ قرار دے دیا ہے۔عرب ٹی وی کے مطابق حرم شریف کرین حادثے میں بن لادن کمپنی کو بلیک لسٹ قرار دیتے ہوئے کمپنی کے عہدیداروں کے باہر جانے پر پابندی عائد کر دی ہے۔سعودی حکام نے بن لادن کو مزید منصوبے دینے پر بھی پابندی عائد کردی ہے۔حرم شریف کرین حادثے میں 111عازمین حج شہید ہوئے تھے۔ابتدائی تحقیقاتی رپورٹ کے مطابق حادثہ مجرمانہ سازش کے نتیجے میں پیش نہیں آیا بلکہ کرین کی غلط پوزیشن کی وجہ سے حادثہ ہوا۔