اسلام آباد (مانیٹرنگ ڈیسک) پارک میں جسٹس عمر عطا بندیال اور جسٹس قاضی فائز عیسیٰ کے درمیان تلخ کلامی، ہاتھا پائی، ایک جج نے قریب پڑا ڈنڈا بھی اٹھا لیا، اس کا دعویٰ معروف اینکر پرسن نسیم زہرا نے ایک ویڈیو بیان میں کیا ہے۔نسیم زہرا کا کہنا تھا کہ خبروں میں آپ نے سنا،

چیف جسٹس آف پاکستان عمر عطا بندیال کے چیمبر میں جسٹس قاضی فائز عیسیٰ بھی موجو د تھے اور وہاں انہوں نے اپنی شکایات کیں، اس دوران نا خوشگوار ماحول رہا۔ اینکر نسیم زہرا نے دعویٰ کرتے ہوئے کہا کہ اس کے بعد رات3 بجے جوڈیشل کالونی میں واقعہ پارک میں جسٹس قاضی فائز عیسیٰ، جسٹس منصور علی شاہ،چیف جسٹس عمر عطا بندیال اور جسٹس اعجاز الا حسن موجود تھے۔ انہوں نے دعویٰ کیا کہ یہ بتا یا جا رہاہے کہ وہاں بہت زیادہ تلخ کلامی ہوئی اور بات ہاتھا پائی تک جا پہنچی، اس دوران قریب ہی رکھی ایک لکڑ ی کی چھڑی کا بھی استعمال کرنے کی کوشش کی گئی، جسٹس قاضی فائز عیسیٰ کو بھی کافی غصہ آیا، پھر درمیان میں کچھ لوگ آئے اور فریقین کو ہاتھا پائی سے روک دیا۔ اس موقع پر اینکر پرسن نسیم زہراکا کہنا تھا کہ ہم سپریم کورٹ کے ججز کی بات کر رہے ہیں، اس سے بد تر کچھ نہیں ہو سکتا، اگر چیمبر اور پارک میں ایسا ہوا تو اندازہ لگا یا جا سکتا ہے کہ بینچز پر کیا ہو گا۔دوسری جانب سپریم کورٹ نے ججوں کے درمیان جھگڑے کی خبروں کی تردید کردی ہے۔