اسلام آباد(این این آئی)سپریم کورٹ پریکٹس اینڈ پروسیجر ایکٹ پر عمل درآمد روکنے سے متعلق سپریم کورٹ کے حکم نامے کے تناظر میں وزیر اعظم شہباز شریف کی زیر صدارت سیاسی صورتحال پر اہم اجلاس ہوا۔ذرائع کے مطابق اجلاس میں آصف زرداری، بلاول بھٹو و دیگر رہنماء شریک ہوئے۔اجلاس میں وزیر قانون اور حکومتی قانونی ٹیم نے بھی شرکت کی،سپریم کورٹ کے فیصلے پر اجلاس میں مشاورت کی گئی،اجلاس میں موجودہ سیاسی صورتحال پر بھی مشاورت کی گئی۔ذرائع کے مطابق اجلاس میں ہونے والے فیصلوں پر وزیر قانون پریس کانفرنس کے ذریعے آگاہ کریں گے۔