لاہور(این این آئی)لاہور میں پاکستان تحریک انصاف کے کارکنان کو مخاطب کرتے ہوئے چیئرمین پی ٹی آئی عمران خان نے کہاہے کہ لاہور والوں سب سے زیادہ آپ کی ٹریننگ کر رہا ہوں، جب ضرورت پڑے تو آپ کو باہر نکلنا ہے۔لاہور میں افطار کے موقع پر پی ٹی آئی کارکنان سے خطاب کرتے ہوئے چیئرمین پی ٹی آئی نے کہاکہ ہم ملک میں انصاف کی جنگ لڑ رہے ہیں تاکہ خوشحالی آئے، جس معاشرے میں عدل اور انصاف ہو گا وہ ترقی کرے گا۔انہوں نے کہا کہ وزیراعظم دنیا بھر میں مانگ کر ہمیں ذلیل کر رہا ہے۔انہوں نے کہاکہ میں دینی آدمی نہیں تھا،سیدھے راستے پر نہیں تھا،ماں نے ہمیشہ کہا کہ سیدھے راستے کی دعا مانگ کر سویا کرو جس راستے کی ہم دعا مانگتے ہیں وہ اللہ کے نبی کا راستہ ہے،اللہ نے صرف انسانوں کو فیصلہ کرنے کی قوت دی ہے۔