ڈھاکہ (این این آئی) بنگلا دیش پریمیئر لیگ (بی پی ایل)میں چار بار کی فاتح ٹیم کومیلا وکٹورینز کی مالکن نفیسہ کمال نے پاکستان سپر لیگ (پی ایس ایل)میں فرنچائز خریدنے میں دلچسپی ظاہر کی ہے۔اس بات کا انکشاف بنگلا دیشی صحافی فہیم رحمان نے کیا جن کا کہنا ہے کہ کومیلا وکٹورینز کی

مالکن نفیسہ کمال پی ایس ایل میں ٹیم خریدنیکی خواہشمند ہیں لیکن فی الحال اس معاملے میں کسی قسم کی پیشرفت نہیں ہوئی۔اس کے علاوہ صحافی کی جانب سے یہ بھی کہا گیا کہ اس سے قبل نفیسہ نے اظہار کیا تھا کہ وہ اپنی فرنچائز کو بڑھانا چاہتی ہیں اور غیر ملکی ٹیم خریدنا چاہتی ہیں۔اس سے قبل 2021ء میں نفیسہ نے اپنی ٹیم میں پاکستانی اسٹار فاسٹ بولر شاہین شاہ آفریدی کو لینے کی خواہش کا اظہار بھی کیا تھا۔واضح رہے کہ پی سی بی مینجمنٹ کمیٹی کے سربراہ نجم سیٹھی نے 2نئی ٹیمیں لانے کا عندیہ دیا ہے۔ ان کا کہنا تھا کہ ٹورنامنٹ میں ٹیموں کی تعداد 10تک بڑھانا چاہتے ہیں۔اس کے علاوہ پشاور زلمی کے مالک جاوید آفریدی نے بھی نئے سیزن میں سیالکوٹ اور فیصل آباد کی ٹیمیں آنے کا کہا ہے۔  بنگلا دیش پریمیئر لیگ (بی پی ایل)میں چار بار کی فاتح ٹیم کومیلا وکٹورینز کی مالکن نفیسہ کمال نے پاکستان سپر لیگ (پی ایس ایل)میں فرنچائز خریدنے میں دلچسپی ظاہر کی ہے۔