اسلام آباد(این این آئی)وزیردفاع خواجہ آصف نے کہا ہے کہ تحریک انصاف کے چیئرمین عمران خان کی اپنے دور اقتدار میں پاکستان میں ٹی ٹی پی کی آباد کاری کی حکمت عملی ناکام ہوگئی،افغان سرزمین پاکستان کیخلاف اب بھی استعمال ہورہی ہے ،طالبان حکومت کے سامنے تحفظات رکھ دیئے ہیں ،
جہاں سے تعاون کی یقین دہانی کرائی گئی ہے۔امریکی نشریاتی ادارے کووزیردفاع خواجہ آصف نے انٹرویو میں کہاکہ الزام تراشی کے باوجود عمران خان اسٹیبلشمنٹ سے رشتہ داری قائم کرنا چاہیں گے ،سربراہ تحریک انصاف کے امریکا اورفوج کے متعلق خیالات بدلتے رہتے ہیں،سربراہ تحریک انصاف فوج پرالزامات عائد کررہے ہیں ،انہیں معلوم امریکا اورفوج سے متعلق وہ کہاں کھڑے ہیں ،سازش سے متعلق ان کا موقف مسلسل بدلتارہاہے۔انہوں نے کہاکہ الزام تراشی کے باوجود عمران خان اسٹیبلشمنٹ سے رشتہ داری قائم کرنا چاہیں گے ، سربراہ تحریک انصاف کے امریکا اورفوج کے متعلق خیالات بدلتے رہتے ہیں ۔وزیردفاع نے کہاکہ افغان سرزمین پاکستان کیخلاف استعمال ہورہی ہے، طالبان حکومت کے سامنے اپنیتحفظات رکھ دئیے ہیں ، انہوں نے تعاون کی یقین دہانی کرائی ہے۔خواجہ آصف نے کہاکہ کالعدم ٹی ٹی پی رہنمائوںکی پاکستان میں دوبارہ آبادکاری عمران خان حکومت کی حکمت عملی تھی،جسے اس وقت کی اسٹیبلشمنٹ کی بھی حمایت حاصل تھی۔
