لاہور ( این این آئی) پاکستان تحریک انصاف کے چیئرمین و سابق وزیراعظم عمران خان کے خلاف اسلام آباد میں درج مقدمے کا سمن لے کر پولیس کی تفتیشی ٹیم لاہور پہنچ گئی۔زمان پارک میں نوٹس وصول کروانے کے لئے لاہور پولیس، اسلام آباد پولیس کی معاونت کرے گی۔لاہور پولیس کے مطابق اسلام آباد کے سب انسپکٹر تجمل نقوی 4 رکنی ٹیم کے ہمراہ تھانہ ریس کورس پہنچے ۔پولیس کے مطابق تفتیشی تجمل نقوی عمران خان کی رہائش گاہ پر جا کر سمن وصول کروائیں گے۔لاہور پولیس کے مطابق زمان پارک نوٹس وصول کروانے کیلیے مقامی پولیس اسلام آبادپولیس کی معاونت کرے گی۔