لاہور(این این آئی)چیئرمین تحریک انصاف اور سابق وزیراعظم عمران خان اور امریکی رکن کانگریس ٹڈلیو کے درمیان ٹیلی فونک رابطہ ہوا۔پاکستانی امریکن ڈیموکریٹ ڈاکٹر آصف محمود نے کانگریس مین ٹڈلیو سے ملاقات کی اور امریکی ایوان کے ڈیموکریٹ رکن سے عمران خان کی ٹیلی فون پر بات کرائی، ٹڈلیوکانگریس کے با اثرترین ڈیموکریٹک کاکس کے وائس چیئر ہیں۔رکن کانگریس ٹڈلیو نے عمران خان کو یقین دلایا کہ محکمہ خارجہ سے کہا جائے گاکہ وہ پاکستان کے معاملے میں مداخلت کرے اور پاکستان میں مبینہ غیرمنصفانہ اقدامات پر مداخلت کرے۔اس ٹیلی فونک بات چیت میں پاکستان میں انسانی حقوق کی صورتحال اور جمہوریت کو درپیش مبینہ خطرات پربات کی گئی۔