لاہور ( این این آئی) پاکستان تحریک انصاف کے مرکزی سینئر نائب صدر فواد چوہدری نے پاکستان کے زیر انتظام کشمیر کے وزیر اعظم سردار تنویر الیاس کی نااہلی پر ردِعمل دیتے ہوئے کہا ہے کہ آزاد کشمیر کا وزیراعظم ہو یا پاکستان کا، عدالتی فیصلوں کا احترام ضروری ہے، عدالتی نظام کو تباہ کر کے ملک نہیں چل سکتے۔فواد چوہدری نے ٹوئٹر پر مزید لکھا کہ وزیر اعظم آزاد کشمیر عدالت سے معافی مانگیں، امید ہے انہیں سپریم کورٹ سے ریلیف ملے گا۔ وزیر اعظم پاکستان اس فیصلے سے سبق حاصل کریں گے۔