اگر عمران خان نے یہی رویہ رکھا تو ہوسکتا ہے 8اکتوبر کوبھی الیکشن نہ ہوں ۔رانا ثناء

اسلام آباد (مانیٹرنگ ڈیسک) وفاقی وزیرداخلہ رانا ثناء اللہ نے کہا ہے کہ کچھ باتیں بتانے والی نہیں ، ہم بچ گئے اور موجودہ بحران ٹل گیا ہے، اگر عمران خان بیٹھ کر سیاستدانوں کی طرح بات کرے تو معاملات سلجھ سکتے ہیں، اگر عمران خان نے یہی رویہ رکھا توہوسکتا ہے 8اکتوبر کوبھی الیکشن نہ ہوں۔ نجی ٹی وی  سماء نیوز کے پروگرام میں گفتگو کرتے ہوئے انہوں نے کہا کہ ہم تو کہتے ہیں سپریم کورٹ پارلیمنٹ کو بلا کر نااہل کردے، اگر پارلیمنٹ نے انتخابات کیلئے پیسے دینے کا بل مسترد کردیا تو پھر بل مسترد ہوجائے گا۔چاہتے ہیں انتخابات اپنے وقت پر ہوں، آئین قانون کے مطابق تمام اسمبلیوں کے انتخابات ایک وقت پر ہوں ۔ انہوں نے کہا کہ عمران خان اگر 25مئی کواسلام آباد پر چڑھائی نہ کرتے تو الیکشن ہوجانے تھے ہم الیکشن کیلئے تیار تھے،نواز شریف اسمبلیاں تحلیل کرنے کا فیصلہ چکے تھے،لیکن عمران خان کو پتا چلا تو اس نے دھمکی دی کہ میں آرہا ہوں اور الیکشن کی تاریخ لے کر آؤں گا، یہ چاہتا تھا اس کی بلے بلے ہوجائے گی کہ میں نے الیکشن کی تاریخ لے لی ہے۔