لاہور( این این آئی)پاکستان پیپلز پارٹی کی قیادت نے پارٹی پرتنقید اورمخالفانہ بیانات دینے پرپارٹی کے سینئر رہنما سردار لطیف کھوسہ کوپیپلزلائرزفورم کی صدارت سے ہٹا دیا ان کی جگہ نیئر بخاری کو پی ایل ایف کا قائمقام صدر بنا یا گیا ہے ۔ذرائع کے مطابق لطیف کھوسہ حکومتی اورپارٹی پالیسیوں پرمسلسل تنقید کررہے تھے۔سردارلطیف کھوسہ پیپلز پارٹی کے دورمیں اٹارنی جنرل، گورنر پنجاب اور سینیٹر بھی رہے۔وہ پارٹی کی سنٹرل ایگزیکٹو کمیٹی کے رکن بھی ہیں۔ذرائع کے مطابق لطیف کھوسہ تحریک انصاف کیخلاف اقدامات پرشدید تنقید کرتے رہے۔پارٹی قیادت نے لطیف کھوسہ کو متعدد بار پارٹی پالیسی کے خلاف بیانات سے روکا۔