لاہور(این این آئی)قومی احتساب بیورو (نیب)نے سابق وزیر اعلیٰ پنجاب اور پاکستان تحریک انصاف کے صدر پرویز الہٰی کے خلاف انکوائری شروع کردی۔نیب ذرائع کے مطابق سابق وزیر اعلیٰ کے دبائو پر ماسٹر پلان میں لاکھوں ایکڑ زرعی رقبہ کو بران کرنے کا الزام ہے،
95مربع کلومیٹر زمین نئی ہائوسنگ سوسائٹیز کیلئے مختص کرکے ڈویلپرز کو نوازا گیا۔نیب ذرائع نے کہاکہ عثمان بزدار اور پرویز الہٰی پر گرین ایریاز کو بران میں تبدیل کروانے کا الزام ہے، پرویز الہٰی نے اسکیمز سے بیٹرمنٹ فیس معاف کر کے خزانے کو 300ارب کا نقصان پہنچایا۔دوسری جانب نیب نے ماسٹرپلان کی انکوائری میں معاونت کیلئے لاہور ڈویلپمنٹ اتھارٹی (ایل ڈی اے)کے ڈائریکٹر جنرل کو خط لکھا اور کہا کہ انکوائری میں معاونت کیلئے گریڈ 18کے افسر کو فوکل پرسن مقرر کیا جائے۔خط کے متن کے مطابق لاہور کے ماسٹر پلان کی غیر قانونی منظوری دی گئی جس کے تحت پرویز الہٰی کے خلاف انکوائری جاری ہے۔خط میں کہا گیا کہ ایل ڈی اے کا فوکل پرسن نیب کمپلیکس میں12اپریل سے قبل رابطہ کرے۔
