یونس سٹی (این این آئی)تیونس اور اٹلی کیدرمیان سمندر میں تارکین وطن کی کشتی ڈوبنے سے 2 افراد ہلاک اور 20 لاپتا ہوگئے۔غیرملکی خبر رساں اداروں کے مطابق کشتی کو حادثہ پیش آنے کے بعد ریسکیو اہلکاروں نے 22 افراد کو ڈوبنے سے بچالیا اور انہیں اٹلی کے ساحل پر منتقل کردیا گیا ہے۔ تیونس سے نکلنے والی کشتی میں تقریبا 40 تارکین وطن سوار تھے، ڈوبنے والے افراد کی تلاش کا عمل جاری ہے۔غیر ملکی میڈیا کے مطابق کشتی میں خواتین اور بچے بھی سوار تھے، ان تارکین وطن کا تعلق افریقی ممالک سے ہے۔ریسکیو اہلکاروں نے کہا کہ انہوں نے زیادہ سے زیادہ لوگوں کو بچانے کی ہر ممکن کوشش کی لیکن وہ اس میں کامیاب نہیں ہوسکے۔دوسری جانب اطالوی خبر رساں ایجنسی کا کہنا تھا کہ زندہ بچ جانے والوں میں 9 خواتین بھی شامل ہیں۔