اسلام آباد (این این آئی)سینیٹ نے قومی اور چاروں صوبائی اسمبلیوں کے انتخابات بیک وقت کرانے کی قراداد متفقہ منظور کر لی جبکہ پنجاب اور خیبرپختونخوا اسمبلی کے انتخابات کے لیے فنڈز کی فراہمی کے حوالے سیانتخابی اخراجات بل 2023 کی کاپی سینیٹ میں بھی پیش کی گئی،سینیٹ کی سفارشات قومی اسمبلی بھجوائی جائیں گی ،ایوان میں اپوزیشن نے شدید احتجاج کرتے ہوئے واک آئوٹ کیا۔
چیئرمین صادق سنجرانی نے سینیٹ اجلاس کی صدارت کی جس میں قومی اور چاروں صوبائی اسمبلیوں کے انتخابات بیک وقت کرانے کی حکومتی پارلیمانی لیڈرز کی قراداد سینیٹر طاہر بزنجو نے پیش کی جس میں کہا گیا کہ ملک میں معاشی استحکام کیلئے سیاسی استحکام ضروری ہے اورتمام انتخابات بیک وقت ہونے ضروری ہیں،صرف پنجاب میں الیکشن کرانے سے دیگر چھوٹے صوبوں کرمنفی اثرات مرتب ہونگے،قومی اور تمام صوبائی اسمبلیوں کے انتخابات بیک وقت ہونے سے وفاق مضبوط ہو گا۔طاہر بزنجو نے کہا کہ ملک مزید سیاسی عدم استحکام کا متحمل نہیں ہو سکتا۔ انہوںنے کہاکہ ہمیں ایک دوسرے کے خلاف محاذ آرائی کی بجائے ملکی استحکام کیلئے کام کرنے کی ضرورت ہے، بیک وقت الیکشن کروانے کی قرارداد منظور ہونے کے خلاف اپوزیشن نے شدید احتجاج کیا۔ایوان میں ہنگامہ آرائی کی گئی۔اپوزیشن اراکین نے نعرے بازی کرتے ہوئے چیئرمین کے ڈائس کا گھیراو کیا۔اپوزیشن نے ایوان سے واک آوٹ بھی کیا۔اپوزیشن لیڈر شہزاد وسیم نے کہا کہ جو ڈاکہ آج اس ایوان پر ڈالا گیا اسکی مثال نہیں ملتی۔ہم نے جب ٹوکن واک آؤٹ کیا تو پلک جھپکتے میں انہوں نے سب بل پاس کروائے یہ الیکشن سے بھاگ رہیہیں۔یہ عمل غیرقانونی اور غیر پارلیمانی ہے۔ہم یہْ قرارداد کو مسترد کرتے ہیں۔پنجاب اور خیبرپختونخوا اسمبلی کے انتخابات کے لیے فنڈز کی فراہمی کے حوالے دی
بل 2023 کی کاپی سینیٹ میں بھی پیش کی گئی۔بل کی کاپی وزیر خزانہ اسحاق ڈار نے پیش کی۔چئیرمین سینیٹ نے بل متعلقہ قائمہ کمیٹی کے سپرد کردیا اور چئیرمین نے منی بل پرسینیٹرزکی تجاویز جمعرات تک طلب کرلیں۔منی بل پر کمیٹی رپورٹ جمعہ تک ایوان میں پیش کی جا? گی۔
سینیٹ کی سفارشات قومی اسمبلی بھجوائی جائیں گی۔سینیٹ میں اپوزیشن کی طرف سے احساس راشن رعایت پروگرام دوبارہ شروع کرنے کی قراداد مسترد کی گئی۔پی ٹی آئی کی ثانیہ نشتر نے قرارداد پیش کی تو حکومت نے اس کی مخالفت کی۔وفاقی وزیر تخفیف غربت اور سماجی تحفظ شاذیہ مری نے کہا کہ سابقہ حکومت نے بینظیر انکم سپورٹ پروگرام کا نام غیر قانونی طور پر تبدیل کرنے کی کوشش کی۔
قانون میں بینظیر انکم سپورٹ پروگرام ہے، جس کو قراداد کے ذریعے ختم نہیں کیا جا سکتا۔اپوزیشن نے فراڈ کر کے بینظیر انکم سپورٹ پروگرام کے پیسے دوسرے پروگرامز میں استعمال کئے۔ایوان نے پاکستان ماحولیاتی تحفظ ترمیمی بل 2023،ایکسپورٹ پروسیسنگ زونز اتھارٹی ترمیمی بل 2023 ،پاکستان ماحولیاتی تحفظ ترمیمی بل 2023 کی بھی منظوری دی۔سینیٹ اجلاس غیر معینہ مدت تک ملتوی کردیا گیا۔
