اسلام آباد (این این آئی)وفاقی کابینہ اجلاس میں پنجاب اسمبلی الیکشن کیلئے 21 ارب روپے کے اجراء کا فیصلہ نہ ہوسکا۔ذرائع کے مطابق وزیراعظم شہباز شریف کی زیر صدارت ہونے والا وفاقی کابینہ اجلاس ہوا جس میں پنجاب الیکشن کیلئے فنڈز کی منظوری نہیں دی جاسکی۔وفاقی کابینہ نے پنجاب اسمبلی الیکشن کیلیے فنڈز جاری کرنے کے عدالتی حکم پر قومی اسمبلی سے رائے لینے کا فیصلہ کیا ہے۔ذرائع کے مطابق وفاقی کابینہ نے پنجاب انتخابات کیلئے فنڈز کا معاملہ قومی اسمبلی بھجوانے کی منظوری دے دی۔سپریم کورٹ نے اپنے فیصلے میں وزارت خزانہ کو 21 ارب روپے الیکشن کمیشن کو دینے کا حکم دیا تھا۔