اسلام آباد (پی پی آئی) حکومت نے قومی سلامتی کمیٹی کا اجلاس جمعہ کو طلب کرنے کا فیصلہ کرلیا، سول و عسکری قیادت کو شرکت کی دعوت دی جائیگی۔پی پی آئی کے مطابق وزیراعظم شہباز شریف کو گزشتہ روز اتحادیوں اور رہنماوں کی جانب سے مشورہ دیا گیا تھا کہ قومی سلامتی کمیٹی کا اجلاس بلایا جائے۔ذرائع کے مطابق وزیراعظم شہباز شریف کی زیر صدارت قومی سلامتی کمیٹی کا اہم اجلاس کلب طلب کرنے کا فیصلہ کیا گیا ہے۔این ایس سی میٹنگ میں سول و عسکری قیادت کو شرکت کی دعوت دی جائے گی، حساس اداروں کے سربراہان اجلاس کو قومی سلامتی پر بریفنگ دیں گے۔ذرائع کے مطابق انتخابات کے معاملے پر سیکیورٹی ماحول سازگار ہے یا نہیں؟، اجلاس میں اس پر بھی غور کیا جائے گا دیگر قومی امور پر بھی تبادلہ خیال ہوگا۔

موضوعات:قومی سلامتی کمیٹی