واشنگٹن(پی پی آ ئی) امریکی محکمہ خارجہ کے نائب ترجمان ویدانت پٹیل نے کہا ہے کہ پاکستان اور بھارت کے معاملات میں صفر جمع کی کوئی تجویز نہیں ہے۔واشنگٹن میں پریس کانفرنس کرتے ہوئے ویدانت پٹیل نے کہا پاکستان اور بھارت سے تعلقات اپنی اپنی جگہ پر قائم ہیں، پاکستان کے ساتھ سیکورٹی معاملات پربھی اہم شراکت داری ہے۔انہوں نے کہا کہ پاکستان سے جمہوریت، انسانی حقوق، مذہبی آزادی پر رابطے جاری رہیں گے، پاکستان اور امریکا شمار معاملات پر رابطہ کاری کرتے ہیں۔نائب ترجمان نے جمہوریت سربراہی کانفرنس میں پاکستان کی عدم شرکت کے سوال پر افسوس کا اظہار کرتے ہوئے کہا کہ پاکستان خودمختار ملک ہے اور اپنے فیصلے خود کرسکتا ہے۔ ویدانت پٹیل نے کہا مذکورہ کانفرنس میں پاکستان کی عدم شرکت کا فیصلہ امریکا کی تعلقات جاری رکھنے کی خواہشات متاثر نہیں کرے گا۔

موضوعات:امریکہ