اسلام آ باد(پی پی آ ئی) ڈسٹرکٹ اینڈ سیشن کورٹس اسلام آباد میں خاتون جج دھمکی کیس میں عمران خان کی جانب سے وارنٹ گرفتاری کے فیصلے پرنظرثانی اپیل کی گئی۔ڈسٹرکٹ اینڈ سیشن کورٹس اسلام آباد نے عمران خان کے ناقابلِ ضمانت وارنٹ گرفتاری ایک دن کےلئے معطل کر دیا۔ایڈیشنل سیشن جج سکندرخان نے آج جمعہ تک سماعت ملتوی کردی۔خیال رہےکہ گزشتہ روز قبل ڈسٹرکٹ اینڈ سیشن کورٹس اسلام آباد نے تحریک انصاف کے چیئرمین عمران خان کے خلاف خاتون جج دھمکی کیس میں عدم حاضری پرناقابل ضمانت وارنٹ گرفتاری جاری کرتے ہوئے 18 اپریل کو پیش کرنے کا حکم دیا تھا۔