بارباڈوس (این این آئی)مایہ ناز پاکستانی سپنر یاسرشاہ نے ٹیسٹ کرکٹ میں سابق ہم وطن باؤلر فضل محمود کی زیادہ وکٹوں کا ریکارڈ توڑ دیا ہے جس کے ساتھ وہ زیادہ وکٹیں لینے والے 13ویں پاکستانی باؤلر بن گئے ہیں ٗ یاسرشاہ نے ویسٹ انڈیز کے خلاف دوسرے ٹیسٹ کی دوسری اننگز میں عمدہ باؤلنگ کا مظاہرہ کرتے ہوئے 6 کھلاڑیوں کو پویلین کی
راہ دکھا کر یہ کارنامہ انجام دیا، فضل محمود نے 139 وکٹیں لے رکھی تھیں ٗ یاسرشاہ نے اب تک 25 میچز میں 140 وکٹیں لے رکھی ہیں، یاسرشاہ نے دسویں مرتبہ اننگز میں پانچ یا زائد وکٹیں لینے کا اعزاز بھی حاصل کیا۔ پاکستان کی جانب سے زیادہ ٹیسٹ وکٹیں لینے کا اعزاز وسیم اکرم کو حاصل ہے جنہوں نے 414 وکٹیں لے رکھی ہیں۔