بجلی کی طرح وزیر اعظم کا بھی بریک ڈائون ہونیوالا ہے،ناکام خارجہ پالیسی نے پاکستان کو دنیا میں تنہا کردیا ، تہلکہ خیز دعویٰ

  جمعہ‬‮ 15 جنوری‬‮ 2021  |  23:54

سیالکوٹ (این این آئی)مرکزی جمعیت اہلحدیث پاکستان کے سربراہ سینیٹر پروفیسر ساجد میر نے کہا ہے کہ جس طرح بجلی کا بریک ڈائون ہوا ہے اب ویسے ہی وزیر اعظم عمران خان کا ہونے والا ہے جبکہ ناکام خارجہ پالیسی نے پاکستان کو دنیا میں تنہا کردیا ہے اور پاکستان تحریک انصاف کی حکومت نے ملک کی سالمیت کو داؤ پرلگانے میں کوئی کسر نہ چھوڑی ہے اور ملک معاشی طور پر روز کمزور در کمزور ہو رہا ہے۔ان خیالات کا اظہار انھوں نے صحافیوں سے گفتگو کرتے ہوئے کیا۔ساجد میر نے کہا کہ وزیراعظم عمران خان نے 2018 ء


کے انتخابات کے دوران اپنی انتخابی مہم میں عوام سے جو وعدے کئے تھے ان میں سے ایک وعدہ بھی پورا نہ کیا اور عوام کو مہنگائی و بیروزگاری کے تحفوں کے علاؤہ کچھ بھی نہیں ملا۔ انھوں نے کہا کہ موجودہ حکمرانوں نے ملک کو قرضوں کی لعنت سے پاک کرنے کی بجائے مزید قرضوں کے دلدل میں پھنسا دیاہے اور عوام پر آ ئے روز نت نئے ٹیکس لگا کر عوام کا جینا دو بھر کر دیا گیا ہے۔ انھوں نے کہا کہ پٹرولیم مصنوعات کی قیمتوں میں آئے روز اضافہ کے باعث پبلک ٹرانسپورٹ کے کرایوں میں اضافہ سے عوام سفر کرنے سے گریزاں ہو رہی ہے۔ انھوں نے کہا کہ وزیراعظم عمران خان اور اس کی ٹیم جھوٹ بولنے اور یوٹرن لینے کے بے تاج بادشاہ ہیں۔انھوں نے کہا کی بجلی و سوئی گیس کے بلوں کی وجہ سے عوام کا جینا دو بھر ہو گیا کیونکہ اتنی کسی کی آ مدن نہیں ہے جتنا ان کو بل آ جاتا ہے۔انھوں نے کہا کہ الٹی گنتی شروع ہو چکی ہے اور عوام اب موجودہ حکمرانوں کو اقتدار سے ہٹانے کے لئے پوری طرح تیار ہو چکی ہے اور کسی وقت بھی حکمرانوں کو گھر بھیجنے کا بگل بج سکتا ہے۔


موضوعات:

زیرو پوائنٹ

آخری موو

سینیٹ کا الیکشن کل اور پلاسی کی جنگ 23 جون 1757ءکو ہوئی اور دونوںنے تاریخ پر اپناگہرا نقش چھوڑا‘ بنگال ہندوستان کی سب سے بڑی اور امیر ریاست تھی‘پورا جنوبی ہندوستان نواب آف بنگال کی کمان میں تھا‘ سراج الدولہ بنگال کا حکمران تھا‘ دوسری طرف لارڈ رابرٹ کلائیو کمپنی سرکار کی فوج کا کمانڈر تھا‘ انگریز کے ....مزید پڑھئے‎

سینیٹ کا الیکشن کل اور پلاسی کی جنگ 23 جون 1757ءکو ہوئی اور دونوںنے تاریخ پر اپناگہرا نقش چھوڑا‘ بنگال ہندوستان کی سب سے بڑی اور امیر ریاست تھی‘پورا جنوبی ہندوستان نواب آف بنگال کی کمان میں تھا‘ سراج الدولہ بنگال کا حکمران تھا‘ دوسری طرف لارڈ رابرٹ کلائیو کمپنی سرکار کی فوج کا کمانڈر تھا‘ انگریز کے ....مزید پڑھئے‎